Техникалық реттеу және метрология мәселелері жөніндегі Сараптамалық кеңес отырысының хаттамасы № 4

Төрағалық етуші: Ғ. Мұхамбетов

Қатысқан Сараптамалық кеңестің мүшелері: Т. Момышев, М. Рысбеков, А. Шаққалиев, М. Сапарғалиев, В. Михалченко, Е. Никитинская, И. Кравченко.

Шақырылғандар: К. Мырзахметов, А. Рақымжанова, Р. Молдыбаева, Г. Казанцева.

Сараптамалық кеңестің хатшысы: Г. Кәрімова 

Күн тәртібі 

I. Техникалық реттеу және метрология мәселелері жөніндегі Сараптамалық кеңес (бұдан әрі – Сараптамалық кеңес) отырысының 2009 жылғы 15 шілдедегі № 3 хаттамасының тармақтарын орындау барысы туралы қысқаша ақпарат 

(Т. Момышев) 

1. 2009 жылғы 15 шілдедегі Сараптамалық кеңес отырысының 2009 жылғы 15 шілдедегі № 3 хаттамасының орындалу барысы туралы ақпарат назарға алынсын.

2. «Қазақстан стандарттау және сертификаттау институты» РМК-ы Сараптамалық кеңес мүшелерімен бірге бюджетті ескере отырып, 2010 жылға арналған Мемлекеттік стандарттау жөніндегі жоспарды қалыптастырсын және Ғылыми-техникалық комиссия отырысының қарауына ұсынсын.

Мерзімі: а.ж. қараша. 

II. Республика аумағында сапа менеджменті жүйесі. 2008 жылғы ИСО 9001 нұсқасының стандартын енгізген кәсіпорындар туралы ақпарат. 

(Ғ-Б. Мейірбаева) 

1. Қазақстан Республикасының аумағында сапа менеджменті жүйесі. 2008 жылғы ИСО 9001 стандартын енгізген кәсіпорындар туралы ақпарат назарға қабылдансын.  

2. Техникалық реттеу және метрология комитетінің Техникалық реттеу басқармасы Сараптамалық кеңес мүшелерінің мекен-жайына үдемелі индустриялық-инновациялық даму бағдарламасының техникалық реттеу және метрология жүйесін дамыту бөлімінің жобасын қарау үшін жіберсін. 

3. Сараптамалық кеңес мүшелері 2010 жылға арналған Техникалық реттеу және метрология мәселелері жөніндегі сараптамалық кеңес жұмысының жоспарына ұсыныстарды енгізсін. 

Мерзімі: 2009 жылғы 10 қараша. 

III. Техникалық реттеу және метрология комитетінің аумақтық департаменттерінің қызметі, оның ішінде, мемлекеттік метрологиялық бақылау мәселелері бойынша 9 ай үшін қорытындылар туралы 

(З. Бижанова) 

1. Техникалық реттеу және метрология комитетінің аумақтық департаменттерінің қызметі, оның ішінде, мемлекеттік метрологиялық бақылау мәселелері бойынша 9 ай үшін қорытындылар туралы ақпарат назарға алынсын. 

2. Техникалық реттеу және метрология комитеті Төрағасының, Қазақстан сапа көшбасшылары қауымдастығының басқарма Төрағасының, «Атамекен» Одағы» Қазақстан ұлттық экономикалық палатасы Төрағасының Бірінші орынбасарының және «Қазақстан стандарттау және сертификаттау институты» РМК-ның Оңтүстік филиалы директорының қатысуымен шұжықты таңбалау мәселелерін талқылау жоспарлансын. 

IV. Техникалық регламенттерге тексеру жөніндегі жұмыс тобының (штабтың) жұмыс нәтижелері туралы 

(А. Шаққалиев) 

1. Техникалық регламенттерге тексеру жөніндегі жұмыс тобының (штабтың) жұмыс нәтижелері туралы ақпарат назарға алынсын. 

2. «Қазақстан стандарттау және сертификаттау институты» РМК-ы Сараптамалық кеңес мүшелеріне және салалық мемлекеттік органдарға техникалық регламенттерді тексеру жөніндегі жұмыс тобының (штабының) жұмысы жөніндегі алдын ала материалдарды қайта келісуге жіберсін. Техникалық регламенттерді тексеру жөнінденгі жұмыс тобының отырысына шығарылсын.

Мерзімі: а.ж. 15 қараша. 

V. Техникалық реттеу мәселелері жөніндегі кейбір заңнама актілеріне өзгерістер мен толықтырулар енгізу бойынша жұмыс барысы туралы 

(Кравченко И.М.) 

1. Қазақстан сапа көшбасшыларының қауымдастығы басқармасының Төрағасы «Техникалық реттеу мәселелері жөніндегі кейбір заңнама актілеріне өзгерістер мен толықтырулар енгізу туралы» Қазақстан Республикасының заңы жобасының тұжырымдамасына ұсыныстарды ұсынсын.  

VI. Хаттамалық шешім 

1. Сараптамалық кеңестің кезекті отырысын 2010 жылғы 15 қаңтарда өткізу жоспарлансын.